მოსიარულე მკვდრების ახალი სეზონი AMC-ზე შვიდ ოქტომბერს დაიწყო. მიუხედავად იმისა, რომ მოლოდინი დიდი იყო, პრემიერის დღეს სერიალს უპრეცედენტოდ დაბალი რეიტინგი ჰქონდა.

პირველ სერიას 6,08 მილიონმა ადამიანმა უყურა რაც წინა სეზონებთან შედარებით განახევრებული რიცხვია.

მაგალითად: მერვე სეზონის პრემიერას 11 მილიონი, ხოლო მეშვიდე სეზონის პირველ სერიას 17 მილიონი ადამიანი უყურებდა პირდაპირ ეთერში.

სერიალის რეიტინგი ვარდნას განაგრძობს და მეორე ეპიზოდს სერიალის ისტორიაში ერთ-ერთი ყველაზე ცოტა - 4,9 მილიონი მაყურებელი ჰყავდა, რაც ოდნავ აღემატება შოუს პირველი სეზონის მეორე სერიის მაყურებელთა რიცხვს (4,7 მილიონი).

შოუს დაბალ რეიტინგს ფანები რამდენიმე მიზეზს მიაწერენ, მათ შორის ერთ-ერთი მთავარი კი შოუდან ენდრიუ ლინკოლნის წასვლაა.

მიუხედავად დაბალი რეიტინგისა, არხი შოუს გაგრძელებას მაინც გეგმავს.