თბილისის მერიის ინფორმაციით, კოსტავასა და შარტავას ქუჩებზე შუქნიშნები ათი დღე გათიშული იქნება. მათივე განცხადებით, ამჟამად შუქნიშნების სარეკონსტრუქციო სამუშაოები შემდეგ მისამართებზე მიმდინარეობს:

  • კოსტავასა და მიროტაძის ქუჩების გადაკვეთაზე;
  • კოსტავას ქუჩა N75-თან;
  • კოსტავას ქუჩა N77-თან;
  • შარტავასა და კალანდაძის ქუჩების გადაკვეთაზე.

თბილისის მერიის განცხადებით, შუქნიშნები ეტაპობრივად 10 დღის განმავლობაში ჩაირთვება. ამასთან, სააკაძის მოედანი ქვეითთათვის, მათ შორის შშმ პირთათვის ადაპტირდება და შუქნიშნებს ქვეითთა სექციებიც დაემატება.

როგორც მერიაში აცხადებენ, ქვეითთა შუქნიშნები შარტავას ქუჩის N7-თან, თბილისის მერიის შენობასთან და შარტავას ქუჩის 42-თანაც დამონტაჟდება.