ფეისბუქმა 3D ფოტოები ხელმისაწვდომი გახადა და როგორც ამ დროისთვის ჩანს, ეს ფუნქცია ყველაზე მეტად ცხოველების მოყვარულებმა აიტაცეს.

3D ფოტოებით სარგებლობისთვის გჭირდებათ თანამედროვე, ორკამერიანი სმარტფონი (რადგან სიღრმის გარეშე 3D ეფექტს უბრალოდ ვერ მიაღწევთ) და მარკ ცუკერბერგის კეთილი ნება.

სამგანზომილებიანი ფოტოს ატვირთვა ძალიან მარტივია, თუ ეს ფუნქცია უკვე ჩართული გაქვთ.

1. გადაიღეთ სმარტფონით პორტრეტი.
2. აირჩიეთ ჩამონათვალში 3D ფოტო.
3. ატვირთეთ და დაელოდეთ ლაიქებს

რამდენიმე კვირაში ახალი ფუნქცია ყველასთვის ხელმისაწვდომი იქნება, იქამდე კი ნახეთ პირველი 3D ფოტოები, რომლებიც ფეისბუქზე უკვე გამოჩნდა.

3D ფოტოების ჩატვირთვას სტანდარტულზე ცოტა დიდი დრო სჭირდება. უბრალოდ დაელოდეთ

ფოტოს დათვალიერება VR ხელსაწყოთი, ოკულუს რიფტითაც შეგიძლიათ.