მმართველი პარტიის ქართული ოცნების მიერ მხარდაჭერილი კანდიდატის, სალომე ზურაბიშვილის ნინოწმინდაში გაჟღერებული განცხადება ეთნიკურ თურქებსა და სომხებზე, ცენტრალურმა საარჩევნო კომისიამ დარღვევად არ მიიჩნია. ცესკოს სამართლიანი არჩევნებისა და დემოკრატიის საერთაშორისო საზოგადოებამ (ISFED) მიმართა განცხადებით.

"გაჟღერდა ყოფილი პრეზიდენტის კრიტიკა და მის მიერ მოქალაქეობის მინიჭების პროცესში განხორციელებული ფაქტობრივი გარემოებების აღწერა, რაც შეიძლება განხილულ იქნეს კონკრეტული აქტივობის, მოვლენისა და წარსულში სახელმწიფოს მეთაურის მიერ განხორციელებული ქმედებების შესახებ ამომრჩევლისთვის ინფორმაციის მიწოდებად", — ნათქვამია ცესკოს გადაწყვეტილებაში.

ცესკომ დაადგინა, რომ აღნიშნული ინფორმაცია არ შეიცავდა შუღლისა და მტრობისკენ მიმართული მოწოდების ნიშნებს, არც ნეგატიურ კონტექტში არ იყო მოხსენიებული ეთნიკური უმცირესობა.

"ერთმა პრეზიდენტმა [მიხეილ სააკაშვილი] ძალიან ბევრი მოქალაქეობა დაურიგა თურქებს, რომლის დღეს მისი წარმომადგენელი არის ჩემი ერთ-ერთი ოპონენტი [გრიგოლ ვაშაძე], მაგრამ თქვენ არ მოგცათ მოქალაქეობა", — ასე მიმართა ეთნიკურად სომეხ მოსახლეობას პრეზიდენტობის კანდიდატმა.

ნინოწმინდაში მოსახლეობასთან შეხვედრისას სალომე ზურაბიშვილმა ორმაგ მოქალაქეობასთან დაკავშირებით ისაუბრა. შეხვედრის აუდიოჩანაწერი რადიო ნორმა გაავრცელა.