ცენტრისტების ლიდერი ლადო ბედუკაძე აცხადებს, რომ ცესკოს გადაწყვეტილება, მისი პარტიის რეგისტრაციიდან მოხსნასთან დაკავშირებით, პოლიტიკურად მოტივირებული იყო.

ბედუკაძის თქმით, ქვეყანაში ასეთი დიქტატურა და პარტიის მოხსნის შემთხვევა სააკაშვილის მმართველობის პერიოდშიც კი არ ყოფილა:

"ეს ქმედება ხელისუფლებას ბუმერანგივით დაუბრუნდება. ის დანაყოფები, რუსული ბაზების სახელები უნდა დაკანონდეს აფხაზეთშიც და სამაჩაბლოშიც და უნდა მიეცეთ მათ პოლიციური ფუნქცია".

ბედუკაძე აცხადებს, რომ მისი პოლიტიკური საქმიანობის შესაჩერებლად ერთადერთი ქმედება მისი ლიკვიდაციაა და თუ მთავრობა ამას გააკეთებს, მის იდეას მაინც ვერ მოკლავენ.

ინტერპრესნიუსთან ინტერვიუში ცენტრისტების ლიდერი აღნიშნავს, რომ მან და მისმა თანაგუნდელებმა არჩევნებში მონაწილეობა შესაძლოა სხვა პარტიასთან გაწევრიანების გზით მიიღონ.