ცოტა ხნის წინ ცნობილი გახდა, რომ ფილმში Barbie მთავარ როლს, სავარაუდოდ, ოსკარის ნომინანტი მსახიობი, მარგო რობი შეასრულებს.

თავდაპირველად ამ როლზე ემი შუმერი განიხილებოდა, თუმცა მან ამ პროექტში მონაწილეობაზე უარი თქვა. მოგვიანებით კი პროდიუსერებმა ბარბის პერსონაჟის განსახიერება ენ ჰეთეუეის შესთვაზეს, როგორც აღმოჩნდა ამ როლზე ოსკაროსანმა მსახიობმაც უარი თქვა.

ფილმის სიუჟეტი ბარბის იდეალურ სამყაროზე მოგვითხრობს, სადაც ყველა გოგონა სილამაზის აღიარებულ სტანდარტში ჯდება, ბიჭებს კი არაჩვეულებრივი სხეული აქვთ, ამ დროს კი ენ ჰეთეუეის პერსონაჟი აღმოაჩენს, რომ ის საერთოდ ვერ აკმაყოფილებს მის მიმართ წაყენებულ მოთხოვნებს. სწორედ აქ იწყება მთავარი ბრძოლა სტერეოტიპების წინააღმდეგ.

ფილმის რეჟისორი სავარაუდოდ ალათეა ჯონსი იქნება.