შინაგან საქმეთა სამინისტროს თანამშრომლებმა ქვემო ქართლში რამდენიმე კვირის განმავლობაში 38 ძროხის მოპარვის ბრალდებით სამი პირი დააკავა, ორი კი ამხილა. როგორც უწყების მიერ გავრცელებულ განცხადებაშია ნათქვამი, ძროხები სამართალდამცავებმა პატრონებს დაუბრუნეს.

საქმეზე გამოძიება სისხლის სამართლის კოდექსის 177-ე მუხლის სხვადახვა პუნქტებით მიმდინარეობს. ამ მუხლით სისხლისსამართლებრივი პასუხისმგებლობა სადგომში ან სხვა საცავში უკანონო შეღწევით ჩადენილი ქურდობისთვის დგება. ბრალის დამტკიცების შემთხვევაში სამიდან შვიდ წლამდე პატიმრობაა გათვალისწინებული.