Wall Street Journal-ის ინფორმაციით, რუსეთის საგარეო საქმეთა მინისტრი სერგეი ლავროვი აცხადებს, რომ არ აპირებს დაარღვიოს დიპლომატიური კავშირები უკრაინასთან. მისი თქმით განიხილება ერთობლივი მოლაპარაკების საკითხი უკრაინის, რუსეთის, საფრანგეთისა და გერმანიის ოფიციალურ პირებს შორის, რომელიც აღმოსავლეთ უკრაინაში კონფლიქტის მოგვარებას ისახავს მიზნად:

"მე ვფიქრობ, რომ არ ვართ იმ სიტუაციაში, როდესაც ვინმე დიპლომატიური ურთიერთობების დარღვევითაა დაინტერესებული. ეს უკიდურესი ღონისძიებაა".

ლავროვმა ეს განცხადებს გერმანელ კოლეგასთან, ფრანკ-ვალტერ შტაინმაიერთან, შეხვედრისას გააკეთა. ერთი კვირით ადრე, ვლადიმერ პუტინმა უკრაინა რუსი ჯარისკაცის მკვლელობაში დაადანაშაულა, პრემიერმინისტრმა დიმიტრი მედვედევმა კი განაცხადა, რომ თუ პუტინი ისურვებს, რუსეთი უკრაინასთან დიპლომატიურ კავშირს გაწყვეტს.

ლავროვმა ამასთან დაკავშირებით განაცხადა, რომ უკრაინა მართლაც გეგმავდა საბოტაჟს, თუმცა რუსეთი არმიამ პრობლემა ძირშივე აღმოფხვრა.

აღმოსავლეთ უკრაინა, კერძოდ ყირიმის ნახევარკუნძული, 2014 წლიდან რუსეთის მიერ არის ანექსირებული. იქ მცხოვრებთა უმრავლესობა პრორუსულ ძალას წარმოადგენს.