პოლიტიკური პარტია თავისუფალი საქართველოს ინფორმაციით, მე-10 დღეა ტელევიზიები იმედი, მაესტრო და აჭარის ტელევიზია, ეთერში არ უშვებენ კახა კუკავას შტაბის მიერ მიწოდებულ საარჩევნო რეკლამას.

განცხადებაში წერია, რომ ტელევიზიებმა კუკავას საარჩევნო ვიდეო რგოლი ქსენოფობიურად მიიჩნიეს. პარტიაში მიაჩნიათ, რომ ვიდეოში საუბარია დემოგრაფიულ პრობლემებზე, რომელიც შეიძლება ქვეყანას დაემუქროს უკონტროლო მიგრაციით.

საარჩევნო ვიდეო რგოლში კახა კუკავა ამბობს, რომ საქართველო თურქეთიდან და არაბული ქვეყნებიდან მიგრანტებს არ უნდა იღებდეს.

როგორც საზოგადეობრიცი მაუწყებლის აჭარის ტელევიზიის გენერალურმა დირექტორმა, ნათია კაპანაძემ On.ge-სთან საუბარში აღნიშნა, საარჩევნო ვიდეორგოლი შეიცავს ქსენოფობიურ რისკებს და სცილდება პოლიტიკური ოპონირების ჩარჩოებს.

"ამიტომაც არ განვათავსეთ წარმოდგენილი მასალა, მივმართეთ მარეგულირებელ კომისიას შეკითხვით და ამ პროცედურების შესახებ ვაცნობეთ პოლიტიკურ სუბიექტს", - ამბობს კაპანაძე.

გარდა ამ ვიდეორგოლისა, პარტიისთვის გაუგებარია, თუ რატომ აცხადებენ ტელეკომპანია მაესტრო და იმედი უარს კიდევ ერთ საარჩევნო ვიდეოს ეთერში განთავსებაზე, სადაც საუბარია თემაზე "საქართველო მარიხუანის გარეშე“

თავისუფალი საქართველო ტელეკომპანიების წინააღმდეგ კომუნიკაციების ეროვნულ კომისიას საჩივრით მიმართავს. პარტია მოითხოვს, მარეგულირებელმა დაადგინოს ადმინისტრაციული პრაქტიკა მაუწყებლებისთვის, რომელიც გამორიცხავს ცენზურას და კანდიდატებს მისეცემს კანონით მინიჭებული უფლებით თავისუფლად სარგებლობის შესაძლებლობას.