BBC-ის ინფორმაციით, აშშ-ის ფედერალური მთავრობის დამოუკიდებელი სააგენტო (SEC) Tesla-ს გენერალურ დირექტორს - ილონ მასკს თაღლითობისთვის სასამართლოში უჩივის.

აშშ-ს ფინანსური მარეგულირებლის ცნობით, მასკის განცხადება, რომ გამონახა ფინანსები, რათა საფონდო ბირჟიდან კომპანიის აქციების გამოსყიდვა დაიწყო "მცდარი და შეცდომაში შემყვანი" იყო. საჩივრის მიხედვით, მასკის ქმედებები საფრთხეს უქმნიდა საფონდო ბაზარს და ზიანს აყენებდა ინვესტორებს. არ არის გამორიცხული მასკის ფინანსური ჯარიმაც დააკისრონ.

მასკმა გასულ თვეში განაცხადა, რომ მუშაობდა გეგმაზე, რომლითაც საფონდო ბირჟის დეკლარირებას შეძლებდა. მასკმა ტვიტერზე დაწერა, რომ კომპანიის კერძო ინვესტორებისთვის მიყიდვის სურვილი ჰქონდა და მსურველს თითო აქციას $420-ად მიჰყიდის.

ფინანსურმა მარეგულირებელმა ივარაუდა, რომ მასკი აქციებით მანიპულირებდა და საქმეზე მოკვლევაც დაიწყო. კომისია დაინტერესდა, რატომ არ გაავრცელა მასკმა ეს განცხადება კომისიის მისამართით განკუთვნილ ოფიციალურ წერილში. კომისიას უნდა შეემოწმებინა ასევე მასკის განცხადებას იმის შესახებ, რომ მას აქციების გამოსასყიდად დაფინანსება აქვს.

ილონ მასკი Tesla-ს თანადამფუძნებელია და კომპანიის გენერალური დირექტორის თანამდებობას 2008 წლიდან იკავებს.