როგორც უკვე იცით, მსახიობი ენდრიუ ლინკოლნი სერიალ მოსიარულე მკვდრებიდან წავიდა და მეცხრე სეზონში აღარ გამოჩნდება.

ენდრიუ ამ თემას თავადაც გამოეხმაურა და შოუდან წასვლის მიზეზებზე ისაუბრა.

"მე ორი ბავშვი მყავს და სულ სხვა ქვეყანაში ვცხოვრობ, გადაღებებზე ყოფნის დროს კი ნაკლებ დროს ვატარებდი მათთან, ვერ ვხედავდი როგორ იზრდებოდნენ. წასვლის მიზეზი ძალიან მარტივი იყო, უბრალოდ სახლში დაბრუნების დრო მოვიდა", - ამბობდა ლინკოლნი.

თუმცა, როგორც გაირკვა, ჯერ სახლში დაბრუნება ნაადრევი იყო, რადგან ლინკოლნი სერიალის გადასაღებ მოედანს უბრუნდება! თუმცა არა როგორც მსახიობი.

როგორც ცნობილია ლინკოლნი რეჟისორის სკამს დაიკავებს და შოუს მე-10 სეზონის რამდენიმე ეპიზოდს თავად გადაიღებს.

"მივხვდი, რომ სერიალიდან ასე შორს ყოფნას ვერ გავუძლებდი, ამიტომ დავბრუნდი, თუმცა როგორც რეჟისორი", - ამბობს ენდრიუ.

რაც შეეხება შოუს, მოსიარულე მკვდრები მეცხრე სეზონით 7 ოქტომბერს დაბრუნდება.