შინაგან საქმეთა სამინისტროს ინფორმაციით, სამართალდამცავებმა კახეთის რეგიონში მოკლული ამერიკის მოქალაქის მკვლელობაში ბრალდებული დააკავეს.

12 აგვისტოს თელავის რაიონის სოფელ ლეჩურიდან თუშეთისკენ მიმავალ გზაზე, აშშ-ს მოქალაქეს, 1975 წელს დაბადებულ მ. ფ.-ს დანით მრავლობითი ჭრილობები მიაყენეს. დაჭრილი ადგილზე გარდაიცვალა.

დაკავებული 1996 წელს დაბადებული მ. ჭ. განზრახ მკვლელობის ბრალდებითაა დაკავებული.

გამოძიების ინფორმაციით, მკვლელობა ურთიერთშელაპარაკების ნიადაგზე მოხდა, რის შემდეგაც ბრალდებული მიიმალა.

სამართალდამცველებმა მ. ჭ. მომხდარიდან რამდენიმე საათში დააკავეს. ამოღებულია დანაშაულის ჩადენის იარაღი. შსს-ს ინფორმაციით, დაკავებული ჩადენილ დანაშაულს აღიარებს.

გამოძიება განზრახ მკვლელობის ფაქტზე, საქართველოს სსკ-ს 108-ე მუხლით, მიმდინარეობს.