Guardian-ის ინფორმაციით, ორ თურქ მეზღვაურს ნარკოტიკების გადატანისთვის ოცწლიანი პატიმრობა მიუსაჯეს. მათ გემით £512 მილიონი ღირებულების კოკაინი გადაჰქონდათ. კონტრაბანდული A კლასის ნარკოტიკული საშუალება დაახლოებით 3,2 ტონას შეადგენდა.

ეს ყველაზე დიდი აღმოჩნდა რაც კი ოდესმე ევროპის ზღვებში ნარკოტიკების პარტია ამოუღიათ. მეზღვაურებს ის ტანზანიის სახელზე რეგისტრირებულ საბუქსირო კატარღის შიგნით ჰქონდათ დამალული .

ფოტო: NCA / PA

გემი სტამბოლიდან ჩრდილოეთის ზღვაში მიდიოდა, თუმცა სანაპიროდან 160 კილომეტრის დაცილების შემდეგ, დიდი ბრიტანეთისა და საფრანგეთის სადაზვერვომ მეზღვაურები დააკავა.

გლაზგოს სასამართლომ კაპიტნებს მუმინ შაჰინსა და ემინ ოზმენს ოც-ოც წლიანი პატიმრობა მიუსაჯა. შაჰინმა აღიარა, რომ საქმეს თვითონ ხელმძღვანელობდა, ოზმენი კი უბრალოდ თანამონაწილე იყო.

პატიმრები დიდი ბრიტანეთიდან თურქეთში გადაყვანას ითხოვენ.

ფოტო: National Crime Agency