აქცია #მამებისიმართლისთვის ხვალ, 17 სექტემბერს 7 საათზე განახლდება. აქციის ორგანიზატორების განცხადებით, ვინაიდან ხვალ სკოლებში სწავლა იწყება იგეგმება 51-ე სკოლისკენ მსვლელობა.

ზაზა სარალიძე და მალხაზ მაჩალიკაშვილი მეექვსე დღეა შიმშილობენ. სარალიძე ითხოვს მისი შვილის მკვლელისა და იმ ადამიანების დასჯას, ვინც მკვლელს ხელს აფარებდა, მალხაზ მაჩალიკაშვილი კი სპეცოპერაციის შედეგად დაღუპული შვილის საქმის გამოძიებას ითხოვს. მისი თქმით, თემირლან მაჩალიკაშვილი არ იყო დაკავშირებული ტერორისტებთან და სახელმწიფოს მხრიდან ადგილი ჰქონდა გადაცდომას.

ზაზა სარალიძემ აქციები 10 სექტემბერს მას შემდეგ, განაახლა, რაც პარლამენტში შექმნილმა საგამოძიებო კომისიამ ანგარიში გამოაქვეყნა.

საქართველოს პარლამენტთან მიმდინარე აქციას შეუერთდა გორის რაიონის, სოფელ ხელთუბანში გარდაცვლილი 18 წლის თორნიკე მერებაშვილის მამა.

ამავე თემაზე: