სოფელ ხელთუბანის მოსახლეობამ თორნიკე მერებაშვილის გარდაცვალების გამოძიების მოთხოვნით თბილისი-სენაკი-ლესელიძის გზა გადაკეტა. გზის გადაკეტვას სამართალდამცავები უშლიდნენ ხელს, რამაც დაპირისპირება და ხმაური გამოიწვია, თუმცა მოსახლეობამ გზა მაინც ჩაკეტა.

ხელთუბნის მოსახლეობა მერებაშვილის გარდაცვალების სრულფასოვან გამოძიებას და მკვლელის დაჭერას მოითხოვს. გარდაცვლილის მამა აცხადებს, რომ მისი შვილი მოკლულია და შინაგან საქმეთა სამინსიტრო გამოძიებას არასწორი კუთხით აწარმოებს.

გამოძიება თავდაპირველად სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. როგორც On.ge-ს შინაგან საქმეთა სამინსიტროში განუცხადეს გამოძიება 117-ე და 276-ე მუხლის მე-7 ნაწილით მიმდინარეობს. მუხლები ჯანმრთელობის განზრახ მძიმე დაზიანებას და ტრანსპორტის უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია. უწყებაში ამბობენ, იმისთვის რომ კონკრეტული მიმართულება გამოიკვეთოს ჩანიშნულია ექსპერტიზა და მიმდინარეობს საგამოძიებო მოქმედებები