შინაგან საქმეთა სამინისტროს ინფორმაციით, თბილისში, გლდანში ნასვამმა მძღოლმა ავტოსაგზაო შემთხვევის დროს ქალი და ბავშვი იმსხვერპლა. შემთხვევა გუშინ, 11 სექტემბერს მოხდა.

როგორც შინაგან საქმეთა სამინისტროში ამბობენ, კაცი ავარიის შემდეგ მიიმალა, თუმცა, ადვილად მიაგნეს.

საქმეზე გამოძიება ორი მუხლით 128-ე და 276-ე მუხლებით დაიწყო, რაც სიცოცხლისათვის საშიშ მდგომარეობაში მყოფის განსაცდელში მიტოვებას და მთვრალ მდგომარეობაში ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია. დანაშაული 8-დან 13 წლამდე ვადით თავისუფლების აღკვეთას ითვალისწინებს.