შინაგან საქმეთა სამინისტროს ახალი კანონპროექტის მიხედვით, მარიხუანის მოხმარება 21 წლამდე ყველა პირს აეკრძალება. ამასთან, მათი დაყოლიება ნარკოტიკული საშუალების მოხმარებაზე სისხლის სამართლის დანაშაული იქნება.

შსს-მ მარიხუანის მოხმარებისა და სამედიცინო მიზნით ექსპორტზე გასატანად კანაფის კულტივაციის რეგულირებისთვის ახალი კანონპროექტი შექმნა. აღნიშნული საკანონმდებლო ცვლილებების პაკეტი მთავრობას დღეს წარედგინა და ის მარიხუანის მოხმარების მკაცრ სამართლებრივ ჩარჩოებში მოქცევას გულისხმობს.

30 ივლისს საკონსტიტუციო სასამართლომ პარტია გირჩის წევრების სარჩელი დააკმაყოფილა, რომლის მიხედვითაც მარიხუანის მოხმარებისთვის ადმინისტრაციული სასჯელი გაუქმდა. შინაგან საქმეთა სამინისტრომ მარიხუანის მოხმარების კანონპროექტზე სწორედ ამის შემდეგ დაიწყო მუშაობა.

ჯანდაცვის კომიტეტის თავმჯდომარის, აკაკი ზოიძის განმარტებით, ინიციატივა მმართველმა გუნდმა 10 სექტემბერს, უმრავლესობის სხდომაზე განიხილა, ინფორმაცია შინაგან საქმეთა სამინისტრომაც დაადასტურა.

ამავე თემაზე: