საქართველოს პარლამენტის წევრი და პატრიოტთა ალიანსის ლიდერი, ადა მარშანია ამბობს, რომ თუ ბიძინა ივანიშვილია დაინტერესებული მარიხუანის მედიკამენტებად გამოყენების საქმით, მაშინ ქართული ოცნება მხარს დაუჭერს. ამის შესახებ დეპუტატმა რუსთავი 2-თან ისაუბრა.

გაგიჟდნენ, გადადგნენ ჭკუიდან, თუ რა მოუვიდათ? თუ მათ უფროსს, [ბიძინა] ივანიშვილს აინტერესებს ახალი მეთოდი, ბერკეტი და მექანიზმი ახალი ფულის შოვნისა? თუ ამაშია საქმე, ცხადია ყურმოჭრილი მონა ქართული ოცნება ამას დაეთანხმება", — განაცხადა ადა მარშანიამ.

საქართველოს შინაგან საქმეთა სამინისტრო სამთავრობო გუნდთან ერთად მუშაობს კანონპროექტზე, რომელიც მარიხუანასგან წარმოებული მედიკამენტების ექსპორტზე გატანას გულისხმობს. ჯანდაცვის კომიტეტის თავმჯდომარე აკაკი ზოიძე ამბობს, რომ ინიციატივა მარიხუანას მოხმარების შემზღუდველ კანონპროექტთან ერთად მთავრობის სხდომაზე იქნება წარდგენილი.