საზაფხულო კამპანია ტერა ბაიკის დასრულების შემდეგ, ტერაბანკი ველოსიპედისა და ჯანსაღი ცხოვრების წესის მოყვარულთა მხარდაჭერას აგრძელებს. ამიერიდან ველოსიპედის შეძენის მსურველებს ბანკი ცალკე პროდუქტს - ველოგანვადებას შესთავაზებს.

როგორც ტერაბანკში აცხადებენ, საზაფხულო კამპანია ტერა ბაიკს, რომელიც თბილისის მასშტაბით, 12 ივნისიდან 15 აგვისტომდე მიმდინარეობდა და მსურველებს ველოსიპედით უფასოდ სარგებლობის შესაძლებლობას აძლევდა, მაღალი აქტივობა და პოზიტიური გამოხმაურება მოჰყვა. სწორედ ამიტომ, ბანკმა ამ მიმართულების განვითარება გააგრძელა.

"ტერა ბაიკერების ჩართულობამ, დადებითმა შეფასებებმა, რეგიონებში მცხოვრები ადამიანების სურვილმა, მათაც ჰქონოდათ კამპანიაზე წვდომა, დაგვანახა, რომ ქვეყანაში ველოსიპედის მოყვარულთა რიცხვი ძალიან ბევრია. ჩვენ ამ ადამიანების თანამოაზრეები ვართ და, ამავდროულად, გვსურს, რომ ველოსიპედი, როგორც ჯანსაღი ცხოვრების წესის პოპულარიზაციის მნიშვნელოვანი ფაქტორი, რაც შეიძლება მეტი მსურველისთვის იყოს ხელმისაწვდომი", - აცხადებს ტერაბანკის მარკეტინგისა და საზოგადოებასთან ურთიერთობის დეპარტამენტის ხელმძღვანელი სალომე ქოქოსაძე.

მომხმარებლებს ველოგანვადების სერვისის მიღება საწყის ეტაპზე bikes.ge-ში შეეძლებათ. პროდუქტით სარგელობის პირობები მარტივია: მისი გამოყენება სულ მცირე 300 ლარის შემოსავლის მქონე მომხმარებელს, ყოველგვარი უზრუნველყოფის გარეშე, მხოლოდ პირადობის მოწმობით შეუძლია. ტერაბანკი ველოსიპედის მოყვარულებისთვის საინტერესო ინიციატივებისა და სიახლეების შეთავაზებას სამომავლოდაც გეგმავს.