ნატომ, შესაძლოა, ბრიუსელში შტაბბინის ახალ შენობას ამერიკელი სენატორის, ჯონ მაკკეინის სახელი უწოდოს. ინიციატივა ამის შესახებ დიდი ბრიტანეთის პარლამენტის წევრმა წამოაყენა.

ნატოს პრესმდივანმა CNN-ს განუცხადა, რომ შესაბამისი განკარგულება გენერალური მდივნისგან, იენს სტოლტენბერგისგან მიიღეს და მას დეტალურად განიხილავენ.

ამერიკელი სენატორი აქტიურად უჭერდა მხარს ალიანსსა და მასში სხვა ევროპელი ქვეყნების გაწევრიანებას.

"ევროპასა და ჩრდილოეთ ამერიკაში მას სიმამაცისთვისა და ხასიათისთვის დაიმასხოვრებენ, ასევე, როგორც ნატოს ძლიერ მხარდამჭერს", - წერდა სტოლტენბერგი სენატორის გარდაცვალების შემდეგ.

ნატოს პერსონალი ახალ შტაბბინაში ამ წლის დასაწყისში გადავიდა. ახალი შენობა 29 წევრი ქვეყნიდან ოთხი ათასამდე სამხედრო მოსამსახურე და სამოქალაქო პერსონალი განთავსდება.

აშშ-ის რესპუბლიკელი სენატორი ჯონ მაკკეინი 81 წლის ასაკში 25 აგვისტოს გარდაიცვალა. 2017 წელს მაკკეინის აგრესიული ფორმის კიბოს დიაგნოზი დაუსვეს და სასწრაფო ოპერაცია გაუკეთეს. გარდაცვალებამდე ერთი დღით ადრე მისმა ოჯახმა განცხადა, რომ სენატორი მკურნალობას წყვეტდა.

მაკკეინი არაერთხელ იმყოფებოდა საქართველოში და აშშ-ს საკანონმდებლო ორგანოში საქართველოს ინტერესებს იცავდა. 2006 წელს საქართველოს პრეზიდენტმა, მიხეილ სააკაშვილმა სენატორი მაკკეინი წმინდა გიორგის ორდენით, 2010 წლის იანვარში კი ეროვნული გმირის ორდენით დააჯილდოვა, იმ თანადგომისთვის, რომელიც მან საქართველოს რუსეთთან ომის დროს აღმოუჩინა.

ამავე თემაზე: