ფინანსთა სამინისტროს საგამოძიებო სამსახურის განცხადებით, ქვეყანაში არადეკლარირებული ოქროსა და ვერცხლის შემოტანის სამი შემთხვევა გამოვლინდა.

გამოძიების ინფორმაციით, ერთ შემთხვევაში, ბრალდებულმა მანქანში არსებული სამალავით საბაჟო გამშვები პუნქტ "სარფის" გავლით, შემოიტანა არადეკლარირებული 232 გრამი ოქროს ნაკეთობები.

რაც შეეხება დანარჩენ ორ შემთხვევას, საგამოძიებო სამსახურის განმარტებით, მოქალაქეები არადეკლარირებული ოქროსა და ვერცხლის შემოტანას ტანსაცმლის ქვეშ მიმაგრებით და ჩანთებში არსებული სამალავებით სცადეს.

საგამოძიებო მოქმედებების შედეგად, ამოღებულია საერთო ჯამში 8 კგ-მდე ვერცხლისა და 480 გრ-მდე ოქროს ნაკეთობები, რომელთა საერთო საბაჟო ღირებულება 62 000 ლარს აღემატება. გამოძიება მიმდინარეობს საქართველოს სისხლის სამართლის კოდექსის 214-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 5-დან 7 წლამდე ვადით.