დე ფაქტო ოსეთის პრეზიდენტი ანატოლი ბიბილოვი საქართველოში ანგელა მერკელის ვიზიტს ეხმაურება. ბიბილოვი აცხადებს, რომ საოკუპაციო ხაზთან მისული მერკელი რუსეთის საზღვართან იმყოფებოდა და თუკი მას ოსეთის ნახვა სურს კარებიდან უნდა შევიდეს და არა ბაღებიდან. ინფორმაციას Ехо Кавказа ავრცელებს.

"რაც შეეხება მერკელის ვიზიტს რუსეთის საზღვართან, მგონია რომ ეს ორიგინალური არ არის. ერთის მხრივ, ეს ძალიან კარგია. გამოდის რომ ის დაინტერესებულია ჩვენი ქვეყნით. ჩვენ სტუმრებს ვღებულობთ, როცა ისინი კარებიდან შემოდიან. ვიწვევთ ანგელა მერკელს კარებიდან და არა ბაღებიდან შემოსასვლელად", - განაცხადა ბიბილოვმა.

მისი თქმით, კანცლერმა ჭოგრიტში გახედვისას დაინახა როგორ განვითარდა სამხრეთ ოსეთი და რა მშვენიერი შენობები დგას საზღვართან, რომელშიც რუსეთის უსაფრთხოების სამსახურია განლაგებული.

მერკელის ვიზიტის პარალელურად ანატოლი ბიბილოვი, თვითგამოცხადებულ პრეზიდენტთან, რაულ ხაჯიმბასთან ერთად მოსკოვში პუტინს შეხვდა. ბიბილოვმა განაცხადა, რომ მისი ცხოვრების სტიმულია ოსეთი რუსეთის შემადგენლობაში იხილოს.