დამოუკიდებელი საფეხბურთო ასოციაციების კონფედერაციის (CONIFA) განცხადებით, არაღიარებული ქვეყნების ევროპის საფეხბურთო ჩემპიონატი 2019 წელს ყარაბაღში გაიმართება. ღონისძიების ზუსტი თარიღი მოგვიანებით გახდება ცნობილი.

არაღიარებული ქვეყნების ჩემპიონატში 12 გუნდი მიიღებს მონაწილეობას.

"სპორტის, კულტურისა და მეგობრობის არაჩვეულებრივი ზეიმი იქნება", - განაცხადა მთიანი ყარაბაღი რესპუბლიკის განათლების მინისტრმა.

CONIFA საერთაშორისო საფეხბურთო კონფედერაციაა ნაკრებებისთვის, რომლებიც FIFA-ში არ შედიან. ორგანიზაცია 2013 წლის 7 ივნისს დაფუძნდა. ევროპის ჩემპიონატი ყოველ ორ წელიწადში ერთხელ ტარდება. პირველი ჩემპიონატი გაიმართა 2015 წელს უნგრეთში, ხოლო მეორე ჩრდილოეთ კვიპროსში - 2017 წელს.

ევროპის ჩემპიონატის მსგავსად მსოფლიო ჩემპიონატიც ყოველ ორ წელიწადში ერთხელ ტარდება. პირველი 2014 წელს ჩატარდა შვეიცარიაში, 2016 წელს ის ჩატარდა დე ფაქტო აფხაზეთში, ხოლო 2018 წელს - ლონდონში.