აეროსმიტის სოლისტი, სტივენ ტაილერი, The Today Show-ში მიდიოდა, როდესაც ფანების რიგიდან ერთ-ერთმა გულშემატკივარმა დამცავი ბარიერი გადალახა და მასთან სელფის გადაღება სცადა.

ვიდეოში ჩანს, რომ ტაილერი მისი ქმედებით არც ისე კმაყოფილი დარჩა და ფანი დაუყოვნებლივ მოიშორა.

მოგვიანებით, სტივენი სიტუაციას ტვიტერზე გამოეხმაურა:

"ამის დრო არ იყო მეგობარო, ეს ხომ პირდაპირი სატელევიზიო ჩართვა იყო. თუ სასიამოვნო გამოცდილების მიღება გსურს, შოუზე მოდი".

აეროსმიტი არსებობის 50 წლისთავის აღნიშვნას იწყებს და 2019 წლის აპრილიდან ლას-ვეგასში კონცერტებს გამართავს.