კლუბ Boom Boom Beach-ს Nikita Zabelin, Rhadow და Andrey Pushkarev ეწვევიან

ბათუმის კლუბ Boom Boom Beach-ში საზაფხულო სეზონი გრძელდება. 5 აგვისტოს კლუბს Andrey Pushkarev და D.A.L.I., 6 აგვისტოს კი რუმინელი არტისტი Rhadow ეწვევა. გარდა ამისა, Boom Boom Beach-ში მისული მსმენელის წინაშე ქართველი არტისტები, ლაშა გურული და Oimactta (ლადუკა ნინუა) წარდგებიან, 7 აგვისტოს კი Nikita Zabelin დაუკრავს.

D.A.L.I. ქალაქ ბათუმში დაბადებული არტისტი, ბორის გაბარაევია. სხვადსხვა მუსიკოსთან თანამშრომლობის შემდეგ საკუთარი პროექტის გაკეთების იდეა გაუჩნდა და ფსევდონიმით D.A.L.I. გააგრძელა მუშაობა. მისი ნამუშევრები ტექნოსა და მინიმალის ჟანრში ერთიანდება.

Pushkarev წარმოშობით მოსკოვიდანაა, თუმცა, მის შესახებ ევროპულ კლუბურ სივრცეში კარგად სმენიათ. მის სეტებს განსაკუთრებული გემოვნებით შერჩეული ტრეკები და დაკვრის საუკეთესო ტექნიკა გამოარჩევს.

Nikita Zabelin-ის მუსიკა Nina Kravitz-ის ლეიბლ Trip-ზე გამოდის. არტისტი თანამედროვე ტექნო სცენის ახალგაზრდა ვარსკვლავია. მისი მუსიკალური გემოვნება გერმანულმა ტრადიციულმა ტექნოსაუნდმა ჩამოაყალიბა. დღესდღეობით ზაბელინი ერთერთ ყველაზე წარმატებულ ახალგაზრდა დიჯეიდ და პროდიუსერად მიიჩნევა.