რუმინეთში მშვიდობიანი საპროტესტო მსვლელობები კორუფციის წინააღმდეგ, მთავრობის გადადგომის მოთხოვნით მასობრივ აქციაში გადაიზარდა. მას შემდეგ, რაც 10 აგვისტოს სამართალდამცავებმა დემონსტრანტები ცრემლსადენი გაზით და წყლის ჭავლით დაშალეს მთავრობის ადმინისტრაციის წინ 400 000 ადამიანი შეიკრიბა. ინფორმაციას Reuters ავრცელებს.

ფოტო: Daniel Mihailescu / AFP / Getty Images

ფოტო: Reuters

ფოტო: AFf

აქციაზე შეტაკებებისას 450 ადამიანი დაშავდა, მათ შორის სამართალდამცავები. 30 პირი დაკავეს. ჟანდარმერიელების აგრესიულმა ქმედებამ ქუჩაში ასიათასი ადამიანი გამოიყვანა.

ფოტო: Vadim Ghirda / AP

ფოტო: EPA

პარასკევს საღამოს მომხდარს ქვეყნის პრეზიდენტი კლაუს იოჰანისი გამოეხმაურა და განაცხადა, რომ ჟანდარმერიის უხეში ქმედება არ იყო შესაბამისი რეაქცია აქციის მონაწილეების მიმართ. პრეზიდენტმა მოუწოდა შინაგან საქმეთა მინისტრს "სასწრაფოდ განემარტა" მომხდარის შესახებ და განაცხადა, რომ ხალხის ნების ჩახშობა ძალადობრივი გზებით არის დანაშაული.

"გადადექით, სამართლიანობა და არა კორუფცია" - ამ მოთხოვნით ბუქარესტში უკვე მესამე დღეა ათიათასობით ადამიანი დგას ქუჩაში. საპროტესტო აქციები რუმინეთში 2017 წელს დაიწყო, როცა სოციალ დემოკრატიულმა პარტია მოვიდა სათავეში და სცადა სხვადასხვა კორუფციული ქმედებების დეკრიმინალიზაცია მოეხდინა.