"საქართველოს ნატოში გაწევრიანებამ შესაძლოა საშინელი კონფლიქტი და კატასტროფული შედეგები გამოიწვიოს," - ამის შესახებ რუსეთის პრემიერ-მინისტრმა დიმიტრი მედვედევმა რადიო კომერსანტთან ინტერვიუში განაცხადა.

მისივე თქმით, 2008 წლის შეიარაღებული კონფლიქტისთვის თავის არიდება შეიძლებოდა: "ეს არ იყო გარდაუვალი".

ჩრდილოატლანტიკური ალიანსის გენერალურმა მდივანმა, იენს სტოლტენბერგმა განაცხადა, რომ საქართველო გახდება NATO-ს წევრი. გენერალურმა მდივანმა კიდევ ერთხელ ხაზგასმით განაცხადა, რომ ნატო სრულად უჭერს მხარს საქართველოს ევრო-ატლანტიკურ მისწრაფებას.

2018 წლის ბრიუსელის სამიტზე ალიანსმა ნატო-საქართველოს ერთობლივი დეკლარაცია მიიღო. დეკლარაციის ტექსტში საუბარია, საქართველოსა და ნატოს შორის არსებულ თანამშრომლობასა და სხვა მნიშვნელოვან საკითხებზე.