Paramount-მა ოფიციალურად დაადასტურა, რომ 1996 წელს გადაღებული კომედიის The First Wives Club რიმეიქს გადაიღებენ, თუმცა ამჯერად არა ფილმად, არამედ სერიალად.

როგორც ცნობილია, სერიალს ზუსტად იგივე სიუჟეტი ექნება, როგორიც ფილმს, რომელშიც სამი ლეგენდარული მსახიობი - დაიან კიტონი, ბეტ მიდლერი და გოლდი ჰოუნი თამაშობდნენ.

ახლახან ცნობილი გახდა იმ ორი მსახიობის ვინაობა, რომლებიც სერიალში ითამაშებენ. ვინ იქნება მესამე, ეს ჯერ უცნობია.

სულ მალე ჯილ სკოტი და მიქაელა ბუტაუ პირველი ცოლების ამპლუაში მოგვევლინებიან.

ახალი შოუს თითოეული ეპიზოდი 30 წუთიანი იქნება.