ბათუმში, ერთიანი ნაციონალური მოძრაობის ოფისის წინ პოლიტიკური გაერთიანება ჩვენი სამშობლოს აქცია გაიმართა. აქციის ერთ-ერთი ორგანიზატორი იყო პოლიტპატიმრის სტატუსით გათავისუფლებული ტრისტან წითელაშვილი. აქციის დროს დაწვეს ექსპრეზიდენტ მიხეილ სააკაშვილისა და თურქეთის ხელისუფლების მიერ გადატრიალებაში დადანაშაულებული ფეთულა გიულენის ფიტულები.

აქციის მონაწილეები გადაადგილდებოდნენ შეძახილებით "ძირს ნაციონალური მოძრაობა", მოუწოდებნენ მოსახლეობას, გამიჯვნოდნენ მათ და სატანისტებად და კანიბალებად მოიხსენიებდნენ.

მოგვიანებით აქცია, ჩვენი სამშობლოსა და ნაციონალური მოძრაობის წარმომადგენლებს შორის ფიზიკური დაპირისპირებაში გადაიზარდა. დაპირისპირების დროს დააკავეს ერთი აქტივისტი.

როგორც On.ge-ს შინაგან საქმეთა სამინისტროში განუცხადეს, აქტივისტი დაკავებულია ადმინისტრაციულ სამართალდარღვევათა კოდექსის 166-ე და173-ე მუხლებით, რაც წვრილმან ხულიგნობასა და სახელმწიფო კონტროლისა და ზედამხედველობის განხორციელებისათვის ხელის შეშლას გულისხმობს.

ა