რუსეთის ყალბი ვიზების შესაძლო დამზადების საქმეზე შინაგან საქმეთა სამინისტრომ თაღლითობის მუხლით გამოძიება დაიწყო.

რუსთავი 2-ის ინფორმაციით, მოქალაქეები რუსეთის ვიზას ქრთამის სანაცვლოდ ყიდულობენ და 350-დან 550 დოლარამდე იხდიან. სიუჟეტში ნათქვამია, რომ შვეიცარიის საელჩოს რუსეთის ინტერესების სექციაში ურიგოდ შესასვლელად მოქალაქეები დამატებით თანხას იხდიან.

რუსთავი 2-ის სიუჟეტში, ასევე, აღნიშნულია, რომ ფულს ე.წ. შუამავლები კრეფენ და ის საკონსულოში მიდის. როგორც ტელეკომპანია იუწყება, ფული კეთდება ვიზის ჩარტყმის დაჩქარებაზე, ურიგოდ ერთ დღეში შესვლაზე, ანკეტის შევსებაზე, მოწვევის მიღებასა და თავად ვიზაზე.