მას შემდეგ, რაც რობერტ ლევანდოვსკის აგენტმა აღნიშნა, ლევანდოვსკის გუნდის გამოცვლაო უნდაო, პოლონელი ფორვარდი არაერთ კლუბს დაუკავშირეს.

კითხვის ნიშნებს წერტილი ბაიერნის ახალმა მწვრთნელმა ნიკო კოვაჩმა დაუსვა, რომელმაც აღნიშნა, რომ, ერთი მხრივ, ლევანდოვსკის კლუბთან კონტრაქტი აკავშირებს და, მეორე მხრივ, რომ მიუნხენელებს მისი გაშვება არ უნდათ.

"იგი კლუბს არ დატოვებს. უბრალოდ მისი გაშვება არ გვინდა. [...] ერთია, რა სურს მას, მაგრამ მეორეა, რა გვსურს ჩვენ. ეს გადაწყვეტილება ჩვენი მისაღებია, რადგან მას ბაიერნთან კონტრაქტი აკავშირებს. [...] მასთან ერთად ბევრი რამის მიღწევა გვინდა. მან უკვე ბევრს მიაღწია ბუნდესლიგაში, გაიტანა ძალიან ბევრი გოლი და ახალ სეზონშიც ბევრ გოლს გაიტანს", - აღნიშნა კოვაჩმა.

ლევანდოვსკი ბაიერნის 2014 წელს ბორუსიადან შეუერთდა და 195 თამაშში 151 გოლის გატანა შესძლო. მან ბაიერნის რიგებში ზედიზედ ოთხჯერ მოიგო ბუნდესლიგა, თუმცა ჩემპიონთა ლიგის ფინალში გასვლა ჯერჯერობით ვერ მოახერხა.