3 აგვისტოს მთავრობის სხდომაზე გადაწყდა, რომ სახელმწიფო, კერძოდ, განსახლებისა და ლტოლვილთა სამინისტრო, ხურჩაში მოკლული გიგა ოთხოზორიას შვიდსულიან ოჯახს, "სოფლად სახლის" პროექტის ფარგლებში, ზუგდიდში სახლს შეუძენს.

ოთხოზორიას ოჯახი აქამდე ზუგდიდში, ნაქირავებ ბინაში ცხოვრობდა.

19 მაისს, დაახლოებით 14:30 საათზე, ზუგდიდის რაიონის სოფელ ხურჩაში, საოკუპაციო ხაზის მიმდებარედ, გალის რაიონის სოფელ ბარღების მკვიდრ გიგა ოთხოზორიას ოთხმა შეიარაღებულმა პირმა ცეცხლსასროლი იარაღით ჭრილობა მიაყენა, რის შედეგადაც ის გარდაიცვალა.

დევნილთა სამინისტრო: ოთხოზორიას ოჯახისათვის ბინის გადაცემის საკითხზე ვმუშაობთ