ბათუმში, განზრახ მკვლელობის მცდელობის ბრალდებით 1996 წელს დაბადებული ლ.კ. დააკავეს. ინფორმაციას ამის შესახებ შინაგან საქმეთა სამინისტრო ავრცელებს.

როგორც შსს-ში ამბობენ, დაკავებულმა 27 ივლისს გვიან ღამით, ბათუმში, ანბანის კოშკის მიმდებარე ტერიტორიაზე 4 პირს ცივი იარაღით დაზიანებები მიაყენა. დაჭრილები საავადმყოფოში არიან გადაყვანილი.

როგორც შსს-ში აცხადებენ, გამოძიება საქართველოს სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს. ბრალის დამტკიცების შემთხვევაში ბრალდებულს 7-დან 15 წლამდე ვადით თავისუფლების აღკვეთა ემუქრება.