თუ 11 წლის ასაკში მაგიის სკოლიდან წერილი არ მიგიაღიათ, გულს ნუ გაიტეხთ. კომპანიამ Kano-მ იზრუნა, რომ ნებისმიერ მაგლს ეგრძნო თავი ჯადოქრად პროგრამირების გამოყენებით. არ მოგეჩვენათ, მათ წარმოადგინეს აპლიკაცია და ჯადოსნური ჯოხი, რომლის სრულად დასაუფლებლადაც პროგრამირების საფუძველი უნდა ისწავლოთ.

ჯოხი თავადვე უნდა ააწყოთ ნაბიჯ-ნაბიჯ გაწერილი ინსტრუქციის თანახმად. მასში ჩაშენებული სენსორების თანახმად, ჯოხი და აპლიკაცია მაქსიმალური სიზუსტით არის ერთმანეთთან დასინქრონებული.

აპლიკაცია, რომელიც iOS-ზე, Android-ზე, PC-ზე და Mac-ზე მუშაობს, 70-მდე თემატურ დავალებას შეიცავს, რომელთა დახმარებითაც კოდის დაწერის საფუძლებს გაეცნობით. აპლიკაციაში შესაძლებელია დააპროგრამოთ შელოცვა, რაც ხის კუბებით თამაშს მოგაგონებთ. ბრძანებების ბლოკებს ერთმანეთთან შეერთების შედეგად, შეგიძლიათ ზომაში გაზარდოთ გოგრა, ფორმა შეუცვალოთ მაგიურ არსებას ან გადაღებოთ ბუ.

პროგრამას სხვა რეჟიმიც აქვს. მისი დახმარებით ნახავთ, როგორ გარდაიქმნება "ბრძანებები" JavaScript-ის კოდად.

სენსორული ჯოხი და ინსტრუქცია

ფოტო: Kano

Kano-ს მთავარი აღმასრულებელი დირექტორის თქმით, ყველა ამოცანის შესრულების შემდეგ Harry Potter Kano Coding Kit-ის მფლობელები საკუთარი აპლიკაციების შექმნასაც შეძლებენ.

ჯოხი აშშ-ში 1 ოქტომბრიდან გაიყიდება და მისი ფასი $99,99 იქნება.