ამერიკელი მომღერალი დემი ლოვატო გუშინ ლოს-ანჯელესის საავადმყოფოში გადაიყვანეს. როგორც დასავლური მედია იუწყებოდა, ამის მიზეზი ჰეროინით ზედოზირება იყო, თუმცა ლოვატოს წარმომადგენლებმა განცხადება გაავრცელეს, სადაც ეს ინფორმაცია არ დასტურდება.

"დემი გონებაზეა, ის თავის ოჯახთანაა, რომელიც მადლობას გიხდით მხარდაჭერისა და სიყვარულისთვის. მის შესახებ გავრცელებული ინფორმაციის ნაწილი არასწორია და ოჯახი გთხოვთ, რომ პატივი სცეთ მის პირად ცხოვრებას და არ გაავრცელოთ სპეკულაციები, რადგან ახლა მისი ჯანმრთელობა და მდგომარეობის გაუმჯობესება ყველაზე მნიშვნელოვანი რამაა".

ამის გარდა, წყარომ მედიასთან განაცხადა, რომ ლოვატოს მდგომარეობა სხვა ნივთიერების გადაჭარბებულმა დოზამ გამოიწვია და არა ჰეროინმა.