შინაგან საქმეთა სამინისტროს ინფორმაციით, ნარკოტიკული საშუალებების შეძენა-შენახვის ბრალდებით თბილისში ერთი პირი დააკავეს. უწყების ინფორმაციით, 74 შეკვრად დაფასოებული ნარკოტიკული საშუალება ამოიღეს.

შსს-ს ცნობით, ამოღებული ნარკოტიკული საშუალება, სავარაუდოდ, ჰაშიშია.

გამოძიება საქმეზე ნარკოტიკული საშუალებების უკანონო შეძენა-შენახვისთვის, საქართველოს სისხლის სამართლის კოდექსის 260-ე მუხლითაა დაწყებული.