მსოფლიოს სხვადასხვა ქვეყანაში, მონაცემები საოცრად ცვალებადი და შოკისმომგვრელია.

სტატია ეყრდნობა UBS-ის ანგარიშს, რომლის მიზანსაც მსოფლიოს სხვადასხვა ქვეყანაში კეთილდღეობის განსაზღვრა წარმოადგენდა, იმის მიხედვით, თუ რამდენს წუთს უნდა იმუშაონ ადამიანებმა, რომ iPhone -ის შეძენის შესაძლებლობა ჰქონდეთ.

ყველაფერი დათვლილია იმ პროდუქტების მსყიდველუნარიანობით, რომელსაც ყოველდღე ვიყენებთ, მაგალითად: პური, Big Mac ან ერთი კილო ბრინჯი.

საინტერესოა, რომ ნიუ-იორკში ან ციურიხში მომუშავე ადამიანს iPhone 6-ის შეძენა 3 დღის მუშაობის შედეგად შეუძლია. კიევში კი, იმავე ნივთის შესაძენად 13 კვირა ანუ 627 საათია საჭირო.

ანგარიშის მიხედვით, კენიაში მცხოვრებმა მუშახელმა Big Mac-ის შესაძენად სამი საათი უნდა იმუშაოს, მაშინ როცა ამ თანხის გამომუშავება ამერიკელებს 10 წუთში შეუძლია.

ერთი კილო ბრინჯის ყიდვა ნაირობიში 62 წუთის განმავლობაში მუშაობას საჭიროებს, ხოლო ციურიხში 5 წუთიც საკმარისია.

UBS-მ სტანდარტიზებული კვლევა მსოფლიოს მასშტაბით 71 ქალაქში, 122 სახეობის სერვისსა და საქონელზე ჩაატარა, ხოლო ფულის გამომუშავების ტენდენცია 15 პროფესიის მიხედვით გამოთვალა. კვლევის ფარგლებში 68 ათასზე მეტი მონაცემი შეგროვდა.

აღნიშნული კვლევა მსოფლიოში სახელმძღვანელო გამოიყენება, რომლითაც სხვადასხვა ქვეყანაში რეალური მსყიდველობითი უნარის შედარება ხდება. ინდექსი დაფუძნებულია მსყიდველობითი უნარის პარიტეტის (PPP) თეორიაზე და უზრუნველყოფს საბაზრო გაცვლითი კურსის შედეგად, ადგილობრივი გადასახადის ფასების შედარებას პროდუქციის ღირებულებასთან.