კანადის ქალაქ ტორონტოში ცეცხლსასროლი იარაღიდან გასროლის შედეგად ერთი ახალგაზრდა ქალი გარდაიცვალა, ცამეტი ადამიანი კი დაშავდა. დაშავებულთაგან ყველაზე მძიმე მდგომარეობაში რვა-ცხრა წლის გოგოა. ინფორმაციას BBC ავრცელებს.

როგორც კანადის მედია იუწყება, თავდასხმა დენფორდის ავენიუზე კვირა საღამოს მოხდა, როცა ქუჩა ხალხით იყო სავსე. თავდამსხმელის მოტივი, რომელიც, სავარაუდოდ, რესტორანს უმიზნებდა, უცნობია.

როგორც გამოცემა წერს, ეჭვმიტანილი ჯვარედინი სროლის დროს პოლიციელის ტყვიამ იმსხვერპლა. დაშავებულების ნაწილს შემთხვევის ადგილზე დაეხმარნენ, ნაწილი კი ადგილობრივ საავადმყოფოებში გადაიყვანეს. პოლიცია თვითმხილველებს ეძებს.