ავსტრიის დედაქალაქის, ვენის მეტროში მგზავრებს სიცხესთან გასამკლავებლად 14 ათასი ცალი დეოდორანტი დაურიგეს. ინფორმაციას Washington Post ავრცელებს.

გამოცემის ცნობით, როდესაც ვენის მეტროში ტემპერატურამ 95 ფარენჰეიტს, ანუ 35 გრადუსს მიაღწია, ქალაქის მართველობამ კონკრეტული ნაბიჯების გადადგმა გადაწყვიტა. იმის გათვალისწინებით, რომ ჰაერის კონდიციონერის გამოყენებას უარყოფითი შედეგები შეიძლება მოჰყვეს, სატრანსპორტო კომპანიამ მოქალაქეებს დეოდორანტები წინასწარ დაურიგა.

როგორც Washington Post წერს, დეოდორანტების დარიგებას განსხვავებული რეაქციები მოჰყვა. მგზავრების ნაწილმა საჩუქარი დიდი სიხარულით მიიღო, ნაწილმა კი ეს ქმედება სხვა მიზეზით ახსნა. მათი აზრით, კამპანიის მთავარი სლოგანი ასეთი იყო: "მიიღეთ მეტი შხაპი, ან, სულ მცირე, დეოდორანტი მაინც გამოიყენეთ".