თამბაქოს მოწევა სამედიცინო დაწესებულებებისა და უნივერსიტეტების ეზოებში, სპეციალურად მოწყობილ ადგილებში შესაძლოა დასაშვები გახდეს. ამის შესახებ პირველ არხს პარლამენტის ჯანდაცვის კომიტეტის თავმჯდომარემ, აკაკი ზოიძემ განუცხადა.

"საუბარია, უკვე აკრძალულ ტერიტორიებზე, გარკვეულ ადგილებზე მოწევა დავუშვათ, რადგან პრაქტიკამ აჩვენა, რომ ეს ძალიან დიდ კონფლიქტებთან არის დაკავშირებული და აღსრულებაც მძიმე პრობლემაა. მაგალითად, პაციენტი რეანიმაციაში რომ მიჰყავთ, ოჯახის წევრები აკრძალულ ტერიტორიაზე ეწევიან და საავადმყოფოს დაცვასა და ოჯახის წევრებს შორის ბევრი კონფლიქტი დაფიქსირდა", - ამბობს დეპუტატი.

2018 წლის პირველი მაისიდან თამბაქოსა და ელექტროსიგარეტის მოწევა სხვადასხვა დაწესებულებებში აიკრძალა, მათ შორის ბარებსა და რესტორნებშიც. ცვლილებები თამბაქოს კონტროლის შესახებ საქართველოს კანონში შევიდა.

გაიგეთ მეტი: