NATO-ში საქართველოს გაწევრიანება თავის შედეგებს იქონიებს, - ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ ბრიფინგზე განაცხადა.

"ჩვენ ვამბობდით, რომ ალიანში იმ წევრების შესვლამ, რომლებიც მისი წევრები არ არიან, არ შეიძლება გავლენა არ იქონიოს მთელ სურათზე და უსაფრთხოებაზე ევროპის კონტინენტზე და, რა თქმა უნდა, თავის შედეგებს იქონიებს. ეს ეხება არა მარტო საქართველოს", - განაცხადა ზახაროვამ.

ზახაროვას განმარტებით, როდესაც ცვლილებები ხდება ერთი მხრიდან, მას მოჰყვება ცვლილებები მეორე მხრიდანაც.

11-12 ივლისს ბრიუსელში NATO-ს სამიტი გაიმართა, რომელშიც მონაწილეობა საქართველომაც მიიღო.

ალიანსის გენერალურმა მდივანმა, იენს სტოლტენბერგმა განაცხადა, რომ საქართველოს გახდება NATO-ს წევრი. გენერალურმა მდივანმა კიდევ ერთხელ ხაზგასმით განაცხადა, რომ ნატო სრულად უჭერს მხარს საქართველოს ევრო-ატლანტიკურ მისწრაფებას.

სამიტზე ჩრდილოატლანტიკურმა ალიანსმა ნატო-საქართველოს ერთობლივი დეკლარაცია მიიღო. დეკლარაციის ტექსტში საუბარია, საქართველოსა და ნატოს შორის არსებულ თანამშრომლობასა და სხვა მნიშვნელოვან საკითხებზე.

ამავე თემაზე: