კახეთში, სოფელ ართანასთან სასაზღვრო პოლიციის ვერტმფრენის ავარიულად დაშვების გამო შსს-ს სამი მფრინავი, ერთი მესაზღვრე და საპატრულო პოლიციის ერთი თანამშრომელი დაშავდა. შინაგან საქმეთა სამინისტროს მიერ გავრცელებული განცხადების მიხედვით, ამ დროისთვის დაშავებულები საავადმყოფოში გადაჰყავთ.

შსს-ს ცნობით, დღეს, 12 ივლისს ვერტმფრენი ლაგოდეხის სამმართველოს სასაზღვრო ქვედანაყოფებში გეგმიური როტაციის მიზნით მიფრინავდა, რა დროსაც სასაზღვრო პოსტ "ანდარაზასთან" ავარიულად დაეშვა.

ფაქტზე გამოძიება შინაგან საქმეთა სამინისტრომ დაიწყო, შემთხვევას გენერალური ინსპექციაც შეისწავლის.