კალიფორნიის ნახევარკუნძულის ნაპირიდან რამდენიმე კილომეტრის დაშორებით, წყალქვეშ უცხო სხეული აღმოაჩინეს. მეცნიერებმა ამ ეტაპზე არ იციან მეწამული ფერის ეს არსება რას წარმოადგენს.

ის კამერარობოტის საშუალებით დააფიქსირეს. როგორც ვიდეოში ნახავთ, მეცნიერები გაოცებულები არიან. ვიდეოში მეცნიერები შესაძლო ვარიანტებს განიხილავენ, რომელთა შორისაც კვერცხის ტომრის, ობობის კვერცხის, პლანქტონური წარმოშობის ორგანიზმისა და სხვა ვერსიები წამოაყენეს.

გუნდმა ის წყლიდან შემდგომი ანალიზისთვის ამოიყვანა.

ოკეანოლოგები და ზღვის ბიოლოგები ხშირად აწყდებიან ახალ-ახალ სახეობებს. ოკეანის ფსკერი კიდევ უამრავ საიდუმლოს ინახავს. მეცნიერებს ოკეანის ფსკერის მხოლოდ 5 პროცენტი აქვთ შესწავლილი.