პსჟ-მ ტურინის იუვენტუსის ყოფილი გოლკიპერი ჯანლუიჯი ბუფონი დაიმატა.

40 წლის მეკარემ იუვენტუსთან 17-წლიანი ურთიერთობა დაასრულა და შავ-თეთრებთან ერთად 656 შეხვედრაში მიიღო მონაწილეობა.

"ვიცი, პსჟ-ს ფეხბურთელები და გულშემატკივრები რაზეც ოცნებობენ. [...] მთელი ჩემი ენერგია და ჩემი გამოცდილება მათ ახალ წარმატებებს უნდა მოვახმარო. [...] ცხოვრებაში პირველად ვტოვებ ქვეყანას (საფეხბურთო კლუბის თვალსაზრისით) და ამას ამბიციის გარეშე არ გავაკეთებდი", - აღნიშნა ბუფონმა ახალ კლუბში გადასვლის შემდეგ.

კლუბის პრეზიდენტის თქმით, ეს ტრანსფერი მიუთითებს იმაზე, რომ კლუბის მიზანი მუდმივად წინსვლაა.

"იგი ერთ-ერთი ყველაზე დაფასებული და პატივსაცემი ფეხბურთელია და მისი გადმოსვლა იმაზე მიუთითებს, რომ ყოველთვის წინ ვიყურებით და ამბიციურები ვართ".