ამერიკის პრეზიდენტი დონალდ ტრამპი აპირებს, რომ ჩრდილოეთ კორეის დიქტატორს კიმ ჩენ ინს CD დისკი აჩუქოს, რომელშიც სხვა სიმღერებთან ერთად, ელტონ ჯონის Rocket Man-იც შევა.

როგორც ცნობილია, ტრამპი მუსიკალური დისკის გადაცემას კიმ ჩენ ინისთვის ამერიკის სახელმწიფო მდივნის, მაიკ პომპეოს ხელით გეგმავს. ტრამპმა დიქტატორისთვის განკუთვნილ დისკზე საკუთარი ხელმოწერა და მესიჯიც დატოვა.

ტრამპის შთაგონების წყარო ამერიკისა და ჩრდილოეთ კორეის ურთიერთობა და კიმ ჩენ ინის მხრიდან ბირთვული იარაღის გამოყენების მუქარაა. ტრამპმა კიმ ჩენ ინს თავის განცხადებებში და ტვიტებში რამდენჯერმე უწოდა "little rocket man", რაც სიტყვასიტყვით რაკეტის პატარა კაცს ნიშნავს.

მაიკ პომპეო ჩრდილოეთ კორეაში სამდღიანი ვიზიტით იმყოფება, რათა ქვეყნის ბირთვული განიარაღების შეთანხმების მიღწევაში თავისი წვლილი შეიტანოს.

ამერიკელი დიპლომატის თქმით, ტრამპმა კიმ ჩენ ინს შეხვედრისას ჰკითხა, მოსმენილი ჰქონდა თუ არა ელტონ ჯონის სიმღერა Rocket Man, რაზე პასუხადაც "არა" მიიღო.

მოუსმინეთ ელტონ ჯონის Rocket Man-ს