მთავარი პროკურორობის კანდიდატები შალვა თადუმაძე, შალვა შავგულიძე და ნინო გოგნიაშვილი შეირჩნენ. ამის შესახებ იუსტიციის მინისტრის მოვალეობის შემსრულებელმა რამდენიმე წუთის წინ გამართულ ბრიფინგზე განაცხადა.

შალვა თადუმაძე და ნინო გოგნიაშვილი თბილისის სახელმწიფო უნივერსიტეტმა წარადგინეს, შალვა შავგულიძე კი - ევროპულმა საქართველომ.

მთავარი პროკურორობის კანდიდატებად თავდაპირველად 21 პირი იყო წარდგენილი, საიდანაც 3-მა კანდიდატურა მოხსნა.

მთავარი პროკურორის პოსტი მას შემდეგ გახდა ვაკანტური, რაც ირაკლი შოთაძე გადადგა. შოთაძის გადადგომის მიზეზი ხორავას ქუჩის საქმეზე გამოცხადებული განაჩენი იყო, რომლის მიხედვითაც სასამართლომ ერთი ბრალდებული სარალიძის ნაწილში გაამართლა, ხოლო მეორეს განზრახ მკვლელობა მკველობის მცდელობად გადაუკვალიფიცირა.