გრილი საგამოცდო ცენტრების მოთხოვნით თბილისში აქცია გაიმართება. აბიტურიენტები ერთიან ეროვნულ გამოცდებზე, საგამოცდო ცენტრებში კონდიციონერის არარსეობას გააპროტესტებენ.

აქციის ივენთზე წერია, რომ ასეთ სიცხეში რთულია ყურადღების კონცენტრირება, არათუ უმნიშვნელოვანესი გამოცდების ჩაბარება. მათი თქმით, პრობლემის მოგვარების გზა სასწრაფო დახმარების ეკიპაჟების მობილიზება არ არის. აბიტურიენტები მოუწოდებენ საზოგადოებას, რომ შეუერთდნენ და მათთან ერთად დააფიქსირონ პოზიცია.

გარემოს ეროვნული სააგენტოს ინფორმაციით, 30 ივნისიდან 4-ივლისამდე საქართველოში ტემპერატურის ზრდა 32-დან 43 გრადუსამდე იქნება. გამოცდების ეროვნული ცენტრის ინფორმაციით, კი საპილოტე პროგრამის ფარგლებში კონდინციონერი მხოლოდ რუსთავის საგამოცდო ცენტრში იქნება.

მას შემდეგ, რაც პრემიერ-მინისტრმა, მამუკა ბახტაძემ განაცხადა, რომ საგამოცდო ცენტრებში კონდიციონერების საკითხზე ცუდი გარემოებაა, გამოცდების განრიგი შეიცვალა. გამოცდების ეროვნული ცენტრის ცნობით, 2 და 3 ივლისს მოსალოდნელი განსაკუთრებით ცხელი დღეების გამო შეიცვალა ერთიანი ეროვნული გამოცდების (ქართული ენისა და ლიტერატურის გამოცდისა და ზოგადი უნარების გამოცდის) განრიგი. -დან