მთავრობის განკარგულებით, საქართველოს მართლმადიდებელ ეკლესიას უსასყიდლოდ საკუთრებაში კიდევ ერთი მიწის ნაკვეთი გადაეცა. შესაბამისი გადაწყვეტილება 29 ივნისის მთავრობის სხდომაზე მიიღეს.

On.ge-ს ეკონომიკის სამინისტროში განუმარტეს, რომ 18 624 კვ.მ ფართობის ნაკვეთი მცხეთის მუნიციპალიტეტში, სოფელ კევლიანში მდებარეობს და სასოფლო-სამეურნეო (სახნავი) დანიშნულებისაა.

"მიწის ნაკვეთი ეკლესიას სამონასტრო კომპლექსის მშენებლობისა და მონასტრის წევრთა სამეურნეო საქმიანობის მიზნით", - აცნობეს On.ge-ს ეკონომიკის სამინისტროდან.