ოსკარის ნომინანტი მსახიობი ემი ადამსი HBO-ს ახალ სერიალში Sharp Objects მთავარ როლს ასრულებს.

ადამსი სერიალში რეპორტიორის როლშია, რომელიც მის მშობლიურ ქალაქში ორი თინეიჯერი გოგონას სასტიკი მკვლელობის გასაშუქებლად ჩადის.

გუშინ ლოს-ანჯელესში სერიალის პრემიერა გაიმართა, რომელსაც მთავარი როლის შემსრულებლებთან ერთად მედიაც ესწრებოდა. დამსწრე საზოგადოებამ HBO-ს ახალი შოუს ორი სერია ნახა, შესაბამისა, სულ მალე პირველ შეფასებებსაც წავიკიტხავთ და მოვისმენთ.

სერიალის სიუჟეტი ჯილიან ფლინის ამავე სახელწოდების რომანს ეფუძნება, რომელსაც ეკუთვნის ისეთი გახმაურებული წიგნი როგორიცაა Gone Girl, მისი ეკრანიზაცია დეივიდ ფინჩერმა 2014 წელს გადაიღო. სერიალის რეჟისორად ჟან-მარკ ვალიც მოგვევლინება.

შოუს პრემიერა HBO-ზე 8 ივლისს შედგება.