პარლამენტის საგამოძიებო კომიტეტის სხდომაზე პოლიციის დეპარტამენტის დეტექტივების სამმართველოს უფროსმა, კახაბერ სირაძემ განაცხადა, რომ ფარდული ხორავას ქუჩაზე გამოძიებისგან დამოუკიდებლად განადგურდა. სირაძის განცხადებით, გადაწყვეტილება დანგრევის შესახებ ადგილობრივებმა მიიღეს და პოლიცია საქმის კურსში არ ჩაუყენებიათ.

კომისიის წევრების კითხვაზე - იყო თუ არა ფარდული დანაშაულის ადგილი და არსებობდა თუ არა მისი დალუქვის საჭიროება - გამომძიებელი პასუხობს, რომ ფარდულიდან ყველა შესაძლო მტკიცებულება ამოიღეს.

"შემთხვევის ადგილი არის ის ადგილი, სადაც დანაშაული მოხდა, სადაც დანაშაული ფიქსირდება, შესაბამისად, უფლებამოსილი პიროვნება აწარმოებს იმ ადგილის დათვალიერებას, შესაბამისი კვლების, დანაშაულის გარემოებების აღდგენის მიზნით, ნივთმტკიცებების მოპოვების მიზნით. შემთხვევის ადგილი დაცულია მანამდე, სანამ ამის არსებობა არის, ანუ შემთხვევის ადგილი თვალიერდება. დამთავრდა შემთხვევის ადგილის დათვალიერება. ამოღებულ იქნა ყველა შესაძლო კვალი, ნივთმტკიცება, საგანი, გადაღებული იქნა 400-მდე ფოტოსურათი, მოხდა ფოტოილუსტრაციები, და მას შემდეგ, როცა ეს რაღაც აუცილებლობა აღარ იყო საჭირო, ნუ, შესაბამისად, რაიმე ისეთი ღონისძიებების მიღება, რომ გინდა თუ არა, დაინგრა, არ დაინგრა", - განაცხადა სირაძემ.

დღეს, 24 ივნისს პარლამენტის საგამოძიებო კომიტეტი ხორავას საქმის გამომძიებელსა და პროკურორს კითხავს.